Lirik Lagu Minang: Indang rang rantau – Amriz Arifin

Sayuik-sayuik tadanga ombak manapi
Bunyi ombaknyo oi kanduang baibo-ibo
Bunyi ombaknyo oi kanduang baibo-ibo

Iklan

Disiko hati denai mangkonyo sansai
Kampuang nan den tinggakan takana juo
Kampuang nan den tinggakan takana juo

Sansai lah sansai oi badan den surang
Sansai lah sansai oi badan den surang

Iklan

Diak kanduang basabalah adiak mananti
Denai yo lai diak kanduang ka pulang juo
Denai yo lai diak kanduang ka pulang juo

Usahlah adiak kini ko barusuah hati
Marapi jo Singgalang kok lai manjago
Marapi jo Singgalang kok lai manjago

Diak kanduang basabalah ondeh adiak sayang
Langang urang yo kini ko tampek baindang
Langang urang yo kini ko tampek baindang

Tampek kitonyo mancaliak urang baindang
Budayo kito nan indak iyo ka hilang
(Budayo kito nan indak iyo ka hilang)

Iklan

Sansai lah sansai oi badan den surang
Sansai lah sansai oi badan den surang

Lah turun pulo diak kanduang candonyo bangau
Lah di kubangan kini ko nyo bakacimpuang
Lah di kubangan kini ko nyo bakacimpuang

Iko lah lagu oi kanduang indang maimbau
Paimbau rang rantau baliak pulang ka kampuang
Paimbau rang rantau baliak pulang ka kampuang


Lirik Lagu Minang
Judul: Indang Rang Rantau
Dipopulerkan oleh: Amriz Arifin